УКИиК

2019 йылда Башҡортостан Республикаһының 100 йыллығы билдәләнә. Ошо әһәмиәтле ваҡиға айҡанлы, С. Низаметдинов исемендәге Учалы сәнғәт һәм мәҙәниәт колледжында бик күп саралар: конкурстар, концерттар, күргәҙмәләр ойошторола.

1 март уҡыу йортоноң концерт залында халыҡ-ара, республика конкурстары лауреаты «Уралым» халыҡ музыка ҡоралдары оркестрының концерты үтте (художество етәксеһе һәм дирижер Олег Крайнов).

 С. Низаметдинов исемендәге Учалы сәнғәт һәм мәҙәниәт колледжы уҡытыусылары һәм студенттары республикабыҙҙың 100 йыллығына сағыу, бай йөкмәткеле программа әҙерләгәйне. Концертта төрлө жанрҙағы инструменталь әҫәрҙәр яңғыраны. Гөлнара Батырова менән Ләйсән Фәйзуллина оркестр оҙатыуында йырҙар башҡарҙы. Салауат Низаметдиновтың  «Башҡортостан» увертюраһы менән «Башҡорт фантазияһы» концерт программаһының үҙенсәлекле солғаныуы кеүек ине.

Тамашасыларға гүзәл концерт бүләк иткән «Уралым» оркестрының йырсыларына һәм музыканттарына рәхмәтле тыңлаусыларҙың алҡыштары бүләк булды.

Елена Крайнова