УКИиК

            29 марттан алып 31 мартҡа тиклем Өфөлә оркестрҙар һәм музыка ҡоралдары ансамблдәренең «Урал ауазы» IV халыҡ-ара конкурс-фестивале уҙҙы. Рәсәй һәм сит ил ҡалаларынан 80-гә яҡын ижади коллектив килгән ине. Конкурс-фестивалдә профессиональ һәм студент ансамблдәре һәм оркестрҙары, шулай уҡ Рәсәйҙән (Өфө, Сибай, Учалы, Октябрьский, Дүртөйлө, Бәләбәй, Благовещен, Нефтекама, Силәбе, Сорғот, Төмән, Чебоксар) һәм донъяның төрлө илдәренән — Төркиә, Үзбәкстан, Ҡаҙағстандан солистар ҡатнаштылар. Жюри составына оркестр һәм ансамбль сәнғәтенең күренекле эшмәкәрҙәре инде.

           Конкурста С.Низаметдинов исемендәге Учалы сәнғәт һәм мәҙәниәт колледжының коллективтары ҡатнашты:

«Уралым» халыҡ инструменттары оркестры (етәксеһе Олег Крайнов) – III дәрәжә Лауреаты;

«Скоморохи» халыҡ инструменттары ансамбле (етәксеһе Сергей Алевский) – III дәрәжә Лауреаты;

«Яйык» ҡурайсылар ансамбле (етәксеһе Тәфтизән Зәйнышев) – II дәрәжә Лауреаты;

«Томан» этно-төркөмө (етәксеһе Илнур Юлдашбаев) – Дипломант.

Коллективтарҙы ҡотлайбым! Яңы еңеүҙәр теләйбеҙ!