УКИиК

21 февралдә Учалы тарих һәм тыуған яҡты өйрәнеү музейында, Халыҡ-ара туған телдәр көнөндә, башҡорт телен һаҡлау һәм Ҡоролтайҙың  25 йыллығына  арналған семинар үтте. С.Низаметдинов исемендәге Учалы сәнғәт һәм мәҙәниәт колледжы уҡытыусылары һәм студенттары семинарҙа әүҙем ҡатнаштылар.

Колледж уҡытыусылары Юлдашбаев И.С., Йосопов А.Р., Моратова Э.Р. тарафынан әҙерләнгән концерт номерҙары сараны биҙәне.

«Хореография ижады» бүлегенең 3 курс студенты Хәсәнов Айгиз башҡарыуындағы яңғыҙ номер тамашасыларҙа оло ҡыуаныс тыуҙырҙы. Бейеүҙе ҡуйыусы Ғәйсәрова Г.Р.

Сараның аҙағында колледж уҡытыусылары Хәжиева Ә.Ә. һәм Узаҡбаева Г.М үҙҙәренең шәхси күргәҙмәһенең презентацияһын күрһәттеләр һәм  башҡорт сәнғәтенең үҫеш проблемалары тураһында доклад менән сығыш яһанылар.