УКИиК

Һыуыҡ ғинуарҙа   серле , яҙғыса ҡыуаныслы  бер көн бар. Ул Татьяна көнө , Рәсәй студенттары көнө.  Беҙҙең илдә был байрам 25  ғинуарҙа  200  йыл инде билдәләнә.

Быйыл  колледжда   Рәсәй студенттары  көнөнә  арналған “Брейн – ринг”  уйыны ойошторолдо.  Ярыштарҙа 2 команда ҡатнашты: студенттар командаһы “ Даһиҙар” һәм   кураторҙар  (элекке студенттар) “ Билдәһеҙ кешеләр” командаһы.

Программа  ҡыҙыҡлы ла, төрлө яҡлы  ла булды. “Һорау-яуап”, “Ҡара ҡумта”,  “Дәртле көй”, “Мауыҡтырғыс калейдоскоп”, “Ребустар” конкурстары һөҙөмтәләре буйынса жюри ағзалары:  колледж директоры урынбаҫары Крайнова Е. Р., уҡытыусылар Иванова Ф. Н., Малышкина Л. В., Кайбышева Э. К. – “Иң отҡорҙар”ҙы, “Иң ижади һәләтлеләр”ҙе асыҡланылар.

Уйын бик фәһемле, зауыҡлы, мауыҡтырғыс булды. Ойоштороусы Илһамова А. Ғ.  кисәнең юғары маҡсаттарына тулыһынса иреште.