УКИиК

2019 йылдың 23 октябрендә Учалы ауылының башҡорт гимназияһында 9-11 класс уҡыусылары һәм ата-әсәләре өсөн С.Низаметдинов исемедәге Учалы сәнғәт һәм мәҙәниәт колледжының «Инструменталь башҡарыу» бүлеге уҡытыусылары Крайнов О.В., Вәлиуллина Э.Р. һәм «Декоратив-ғәмәли сәнғәт һәм халыҡ кәсептәре» бүлеге уҡытыусыһы Шәрәфутдинова И.И. менән профориентацион маҡсатта осрашыу үтте.

Уҡыусыларҙы иң тәүҙә Элина Радик ҡыҙы сәләмләне. Ул колледж, ундағы уҡыу һөнәрҙәре, уҡырға инеү өсөн ниндәй имтихандар бирергә кәрәклеге, уҡыуҙы тамамлаған белгестәрҙең ҡайҙа эшкә төшә алыуҙары хаҡында бик ентекле сығыш яһаны. Крайнов О.В. колледждың ижади концерт эшмәкәрлеге һәм ҡаҙаныштары тураһында һөйләп үтте. Шәрәфутдинова И. И. ҙур булмаған экспозициянан торған студенттарҙың эшен тәҡдим итте, шулай уҡ «Декоратив-ғәмәли сәнғәт һәм халыҡ кәсептәре» бүлеге тураһында һөйләне һәм уҡыусыларҙы был бүлектең йүнәлештәре менән дә таныштырып үтте. Осрашыу һуңында колледж эшмәкәрлеге тураһында видеояҙма күрһәтелде.

Мәктәп хакимиәте колледж директоры А.Х.Ғимазитдиноваға профориентацион сара ойоштороп ярҙам күрһәткәндәре өсөн рәхмәт белдерҙе.