УКИиК

          «Тере классика» акцияһы 2013 йылдан алып үткәрелә һәм билдәле булыуынса, Рәсәйҙә булған иң масштаблы әҙәби проект, ул әҙәбиәткә ҡарата ҡыҙыҡһыныуын арттырыу маҡсатында үткәрелә. Проза әҫәрҙәрен ҡысҡырып уҡыу буйынса йыл һайын үткәрелгән конкурста 10 йәштән алып 17 йәшкә тиклем уҡыусылар үҙҙәренең яратып уҡыған әҫәрҙәренән өҙөк уҡып ишеттерәләр. Йыл һайын был проектта Рәсәйҙең 85 төбәгендә һәм 80 илдә  2,5 миллиондан ашыу  уҡыусы ҡатнаша. «Тере классика» акция сиктәрендә Учалы ҡалаһының балалар модель китапханаһында билдәле балалар шағирәһе А.Л.Бартоның тыуыуына 115 йыл тулыу айҡанлы шиғыр һөйләүселәр конкурсы уҙҙы. Конкурста Учалы коррекцион-интернат мәктәбенең уҡыусылары ҡатнашты.

С.Низаметдинов исемендәге Учалы сәнғәт һәм мәҙәниәт колледжы уҡытыусылары Алһыу Рафаэль ҡыҙы Ишмакова менән Ләйсән Дамир ҡыҙы Ғибәҙуллина балалар модель китапханаһы етәксеһенең үтенесе буйынса акцияға ҡушылдылар һәм уҡыусылар, уҡытыусылар, килгән ҡунаҡтар алдында профориентацион концерт-әңгәмә уҙғарҙылар.

         Мәктәп уҡыусылары студенттарҙың сығышын ихлас тыңланылар, башҡорт бейеүҙәрен һоҡланғып ҡаранылар. Концерт һуңында башҡорт йыры «Маһисәрүәр» көйөн ҡурайҙа һәм думбырала уйнап ишеттерҙеләр.

         Концертта ҡатнашҡан студенттарҙы тамашасылар алҡыштарға күмделәр. Бына улар: Ғибәҙуллина Эльвира «Хореография ижады” бүлегенең  1-се курс студенты, Семенова Ульяна «Оркестр тынлы һәм һуҡма инструменттар” бүлегенең 2-се курс студенты,  Исҡужин Эмиль «Вокал сәнғәте» бүлегенең 2 –се курс, Назаров Вячеслав “Халыҡ музыка ҡоралдары оркестры” бүлегенең 4-се курс, Рыҫҡолова Альбина һәм Йәнгилдин Вилдан «Рәсәй халыҡтары милли музыка ҡоралдары”  бүлегенең 4 курс студенттары.

          Концерт тамашасылар күңеленә хуш килде, киләсәктә лә балалар китапханаһында үтәсәк сараларға сығыш яһарға саҡырып ҡалдылар.