УКИиК

Мәҙәниәт өлкәһендәге һөнәри белем биреү йорттарының  Башҡортостан Республикаһының 100 йыллығына арналған  “Таланттар тажы ” IV   Республика    фестиваль-конкурсы тамамланып килә.  

Конкурс 3  апрелдән алып  26 апрелгә тиклем Өфө, Салауат, Октябрьский, Сибай, Учалы ҡалаларында үтә. Үҙ ҡаҙаныштарын Башҡортостан Республикаһының  8 һөнәри белем биреү йорттары коллективтары күрһәтә.

17  апрелдә конкурс эстафетаһын Учалы сәнғәт һәм мәҙәниәт  колледжы ҡабул итте. 16  ижади коллектив,  16 яңғыҙ башҡарыусы  сығыштары һәм 15 һынлы сәнғәт буйынса эш жюри ҡарамағына тәғдим ителде.

Барыһы конкурста 229  студент  9 номинация буйынса  ҡатнашты. Конкурсанттар жюри ҡарарын көтәләр.