УКИиК

2015 йылда Учалы сәнғәт һәм мәҙәниәт колледжына башҡорт композиторы, Рәсәйҙең һәм Башҡортостан Республикаһының атҡаҙанған сәнғәт эшмәкәре Салауат Низаметдиновтың исеме бирелде. 2015 йылдың 19 мартында колледжда композиторҙарҙың тормошо һәм ижадына арналған музей асылды.

2020 йылдың 3 мартында, Салауат Низаметдиновтың тыуған көнөндә, «Музыка теорияһы» бүлеге уҡытыусылары Сергеева Е.Н. һәм Крайнова Е.Р. 1-2 курс студенттары өсөн «Салауат Низаметдиновтың ижады һәм тормошо» исемле кисә үткәрҙеләр.

Салауат Низаметдиновтың тормошона һәм ижадына арналған музей экспозицияһы уҡыусыларҙа ҙур тәьҫораттар ҡалдырҙы. Студенттар Е.Н.Сергееваның композитор тураһында һөйләүен йотлоғоп тыңланылар, шәхси әйберҙәрен, документтарын ҡыҙыҡһынып ҡаранылар.

Музей экспозицияһын ҡарағандан һуң колледждың кесе залында кисә үтте. Крайнова Е.Р. композиторҙың ғәҙәти булмаған яҙмышы, уның тормош һәм ижад юлы тураһында һөйләп үтте. Салауат Низаметдиновтың музыка мираҫы менән таныштырҙы. Сара слайдтар, видеофрагменттарҙы күрһәтеү, музыкаль әҫәрҙәрҙе башҡарыу менән оҙатылып барҙы. Беҙҙең яҡташыбыҙға талант, музыкаға һөйөү, үҙ көстәренә ышаныс һәм, әлбиттә, ныҡышмалы хеҙмәте уңыштарға ирешергә ярҙам иткән. Салауат Низаметдинов һәр ваҡыт беҙҙә үҙенең музыкаһы менән ҡаласаҡ.