УКИиК

Быйыл бөтә ил буйынса XX быуаттың  иң күренекле балетмейстеры  Рудольф Нуриевтың 80  йәшлек  юбилейына арналған концерттар, күргәҙмәләр, иҫтәлекле кисәләр булып үтте. Легендар бейеүсе Өфөлә тыуып үҫкән һәм уҡыған. Ул уҡыған мәктәп йортонда хәҙер Башҡортостандың  балет мәктәбе эшләй.

 Учалы мәҙәниәт һәм сәнғәт колледжы ла Рудольф Нуриев иҫтәлегенә арналған сараларҙа ҡатнашты һәм «Гәлсәр шишмәләр –  2018» III  Зональ  конкурсын ойошторҙо. Был сарала   Башҡортостандан һәм  Силәбе өлкәһенән һигеҙ белем биреү  учреждениһы  ҡатнашты. Конкурсҡа  80  эш тәҡдим ителде. 

12 декабрҙә  жюри ағзалары: УМСК директоры Ғимазитдинова А. Х. , колледж уҡытыусылары  Айбатова Г. Т., Хөснуллина Ю. А., Шарафутдинова И. И., иҫәп комиссияһы ағзаһы Фрюауф С. А.  тәҡдим ителгән   эштәрҙе ҡарап баһаланылар.

 Конкурста Гран-приға  Таипова Әлфиәнең  “Тыңғыһыҙ гений”  күп фигуралы композицияһы   лайыҡ булды.  Конкурс йомғаҡтарынан һуң  С. Низаметдинов исемендәге  Учалы Мәҙәниәт һәм сәнғәт колледжының  икенсе корпусында  еңеүсе студенттарҙың эштәренән күргәҙмә ойошторолдо.

 Конкурсты ойоштороусылар конкурсанттарҙы һәм уларҙың уҡытыусыларын ҡотлайҙар һәм рәхмәт белдерәләр.