10 июнь С.Низаметдинов исемендәге Учалы сәнғәт һәм мәҙәниәт колледжында Рәсәй көнөнә арналған шиғыр һөйләүселәр конкурсы үтте. Колледж уҡыусылары Рәсәй тураһында яҙылған яратҡан авторҙарҙың шиғырҙарын һөйләп ишеттерҙеләр. А.С.Пушкин, К.Д.Бальмонт, А.А.Ахматова, С.А.Есенин, А.Т.Твардовский, М.К.Симонов һәм башҡа авторҙарҙың күп кенә шиғри әҫәрҙәре яңғыраны.

         Шиғыр һөйләүселәр араһында матур тәбиғәтте, ата-бабаларыбыҙҙың данлы эштәре тураһында, Бөйөк Ватан һуғышында халҡыбыҙҙың батырлығы хаҡында һөйләүселәр булды. Конкурс бик йылы, тулҡынландырғыс атмосферала үтте.

Людмила Малышкина.