УКИиК

       16 февраль С.Низаметдинов исемендәге Учалы сәнғәт һәм мәҙәниәт колледжында егеттәр  араһында Ватанды һаҡлаусылар көнөнә арналған «Марш-бросок» хәрби-спорт ярыштары ойошторолдо. Маҡсаты — сәләмәт тормош рәүешен пропагандалау, йәштәрҙе хәрби хеҙмәткә әҙерләү.

      Ярыш бер нисә этап буйынса үтте. Автоматты һүтеп йыйыу, пневматик винтовканан атыу, противогазды ваҡытҡа кейеү, турникта күтәрелеү — ярыштың төп йүнәлештәре ошо ине. Бәйге барышында буласаҡ ил һаҡсылары ныҡышмалылыҡ, ихтыяр көсө һәм юғары һөҙөмтәләргә ынтылыш күрһәтте. Урындар түбәндәгесә билдәләнде:

Хәсәнов Урал —  1-се урын.

Хәсәнов Айгиз – 2-се урын

Мөғәллимов Рөстәм – 3-сө урын.