УКИиК

      2022 йылдың 7 ғинуарында Миндәк ҡасабаһының күп функциялы ауыл клубында  Раштыуа байрамына арналған «Мөғжизәләр ваҡыты» тип аталған концерт ойошторолдо. Ойоштороусылар Салауат Низаметдинов исемендәге Учалы сәнғәт һәм мәҙәниәт колледжының «Звонница» ( етәксеһе Н.Хәйруллина) рус йырҙары ансамблен концерт программаһында ҡатнашырға саҡырҙылар. Улар рус халыҡ йырҙарын башҡарҙылар. Коллектив үҙ сығышы менән башҡарыу оҫталығының юғары кимәлен күрһәтте һәм күп һанлы тамашасыларҙа онотолмаҫ тәьҫораттар һәм ыңғай эмоциялар ҡалдырҙы.