УКИиК

2019 йылдың  13 ғинуарында С. Низаметдинов  исемендәге  Учалы мәҙәниәт һәм сәнғәт колледжы уҡытыусыһы, элекке уҡыусыһы Хилажева Гөлсиә Нуриман ҡыҙының ғүмере фәжиғәле өҙөлдө. Гөлсиә Нуриман ҡыҙы Бөрйән районының Бритәк ауылында 1987 йылдың  18 июнендә тыуып үҫкән.  Урта белем биреү  мәктәптәбен  тамамлағандан һуң, Учалы сәнғәт һәм мәҙәниәт училищеһының (хәҙәрге С. Низаметдинов ис. УСМК) Халыҡ йырҙарын яңғыҙ башҡарыу бүлегендә уҡый ( уҡытыусыһы Башҡортостандың  ат ҡаҙанған сәнғәт һәм мәҙәниәт  эшмәкәре Вәлиева М. Т.) 2007  йылда    З. Исмәғилов  исемендәге Өфө дәүләт сәнғәт институтына уҡырға керә.  Талантлы,  оҫта йырсы Гөлсиә Нуриман  ҡыҙы  төрлө республика конкурстарында ҡатнаша, шул иҫәптән “Башҡорт йыры”  конкурсы лауреаты була.

С. Низаметдинов исемендәге Учалы мәҙәниәт һәм сәнғәт колледжы администрацияһы,  уҡытыусылар коллективы Гөлсиәнең балаларының, тормош иптәшенең, яҡындарының ҡайғыһын уртаҡлаша.

Учалылар хәтерендә Гөлсиә Нуриман ҡыҙы һөйкөмлө, һәләтле һәм алсаҡ кеше булып һаҡланыр.