УКИиК

2019 йылдың 1 октябрендә Межозерный ҡасабаһының Балалар сәнғәт мәктәбендә Учалы сәнғәт һәм мәҙәниәт колледжының “Декоратив-ғәмәли сәнғәт һәм халыҡ кәсептәре” бүлеге уҡытыусылары Г.М.Узакбаева һәм А.А.Хәжиева интеграцияланған интерактив мастер-класс үткәрҙеләр.

Гүзәл Миниғәле ҡыҙының «Заманса кейеҙ» исемле доклады мәктәп уҡытыусыларын һәм уҡыусыларын ҡыҙыҡһындырҙы.

Уҡытыусылар кейеҙ баҫыу процесын һөйләп кенә үтмәнеләр, шул уҡ ваҡытта был процессты презентация аша ла күрһәттеләр. Теләктәре булғандар кейеҙ баҫыу серҙәренә өйрәнделәр.

Хажиева А.А. балаҫ туҡыу буйынса мастер-класс үткәрҙе. Уҡыусылар халыҡ сәнғәтенең өлгөләре һәм хәҙерге автор эштәре менән таныштылар. Шулай уҡ балалар станокта балаҫ һуғып ҡаранылар. Балалар сәнғәт мәктәбе уҡытыусылары балаҫ һуғыу техникаһына ҡыҙыҡһыныу күрһәттеләр.

Мастер — класс һуңында Балалар сәнғәт мәктәбе уҡытыусылары үҙҙәренең уҡыусыларының эштәре менән таныштырып үттеләр. Киләсәктә лә хеҙмәттәшлеккә ышанып ҡалыуын әйттеләр.

“Декоратив-ғәмәли сәнғәт һәм халыҡ кәсептәре” бүлеге уҡытыусыһы А.А.Хәжиева