25 январҙа   УМСК ятағында  “Үҙгәрештәр” конкурсы үтте. Был сараны, Рәсәй студенттары көнөнә арнап, ятаҡ  тәрбиәсеһе Баязитова Э. Р. әҙерләне. Конкурста ҡатнашыусылар билдәле эстрада  артистарына оҡшатып сығыш яһарға тейештәр ине. Рәсәй эстрадаһы  йондоҙҙары:  Алла Пугачва, Филипп Киркоров, Ольга Бузова; башҡорт эстрадаһы йондоҙҙары: Элвин Грей, Гүзәл Уразова, Алтынай Вәлитова бер сәхнәлә осраштылар.

Һәр ҡатнашыусы үҙенең актерлыҡ һәләтен, тапҡырлығын күрһәтә  алды. Жюри ағзалары хатта юғалып ҡалдылар:  сығыштар иҫ киткес зауыҡлы, ҡыҙыҡлы, оҫта башҡарылған ине. Һуңынан баһалаусылар һәр  конкурсантты  төрлө номинацияларҙа  билдәләп үтергә ҡарар иттеләр.

Студенттарҙың сығыштары бер кемде лә битараф ҡалдырманы.

Әлмирә Илһамова