УКИиК

      Хөрмәтле хореографтар, бейеүселәр, уҡытыусылар! Һеҙҙе Халыҡ-ара бейеү көнө менән ҡотлайбыҙ! Һезҙең тормошоғоҙ еңел, күңелле бейеүгә оҡшауын  теләйбеҙ. Ижади үҫештәр, илһам, күңел күтәренкелеге, эшегеҙҙең ҡыуанысын күрергә яҙһын! С.Низаметдинов исемендәге Учалы сәнғәт һәм мәҙәниәт колледжының «Хореография ижады» бүлегенең уҡытыусылары һәм студенттары үҙҙәренең ижади байрамдарын үткәрҙеләр.

     Байрам хәҙерге, халыҡ, классик бейеүҙәр (уҡытыусылар Казиева И.А., Зәйнышева Ю.Р., концертмейстер- Суфиянов А.Ж.) менән башланып «Мәҙәниәт» милли проекты буйынса «Мәҙәни хоровод»  акция сиктәрендә дуҫлыҡ Хороводы менән тамамланды. «Росинка» мөмкинлектәре сикләнгән балалар һәм үҫмерҙәр өсөн реабилитация үҙәге тәрбиәләнеүсләре өсөн байрам сараһы ҙур бүләк булды. Улар халыҡ бейеүҙәре тураһында бик күп мәғлүмәт алдылар, ҙур ҡыҙыҡһыныу менән милли костюмдарҙы ҡаранылар, хатта бейеү хәрәкәттәрен ҡабатланылар һәм өйрәнделәр. «Ҡойон» халыҡ бейеүҙәре ансамбле сығышынан һуң (етәкселәре – Әһлиев В.М.,  Зәйнышева Ю.Р.) студенттар, балалар һәм үҫмерҙәр бергәләп дуҫлыҡ Хороводын бейенеләр.