УКИиК

          2021 йылдың 23 апрелендә Белорет районының Ломовка ауыл мәҙәниәт йортонда С.Низаметдинов исемендәге Учалы сәнғәт һәм мәҙәниәт колледжы уҡытыусылары ярҙамында Башҡортостан Республикаһында халыҡ ижадын үҫтереү буйынса семинар уҙғарҙылар.

        Был сарала ҡатнашыр өсөн С.Низаметдинов исемендәге Учалы сәнғәт һәм мәҙәниәт колледжы директоры А.Х.Ғимәзитдинова «Звонница» вокал ансамблен һәм  «Халыҡ йырҙарын күмәк башҡарыу» бүлеге уҡытыусыһы Н.Л.Хәйруллинаны сараға ебәреүгә булышлыҡ итте.

        Был сәфәрҙең төп маҡсаты-ошо өлкәлә тәжрибә бүлешеү һәм рус халыҡ йырҙарын яратыусыларҙы халыҡ ижадын өйрәнеүгә йәлеп итеү һәм С.Низаметдинов исемендәге Учалы сәнғәт һәм мәҙәниәт колледжына ҡыҙыҡһыныуҙарын арттырыу. «Звонница» вокал ансамбле (етәксеһе Н.Хәйруллина, концертмейстер А.Беляев) концерт программаһы менән сығыш яһаны. Һуңынан Н.Хәйруллина Белорет районының вокал коллективтары ҡатнашлығында оҫталыҡ дәрестәре үткәрҙе. Шулай уҡ С.Низаметдинов исемендәге Учалы сәнғәт һәм мәҙәниәт колледжы тураһында әңгәмә үткәрҙе, һөнәрҙәр тураһында ентекләп һөйләп үтте.

       Сара дауамында Белорет телевидениеһы рус фольклорын популярлаштырыу маҡсатында осрашыуҙы видеоға төшөрҙөләр, һуңынан яҙманы тапшырыуҙа күрһәтәсәктәр. Белорет районының «Шишмә» рус мәҙәниәт Үҙәге вәкилдәре уҡытыусыларға методик ярҙам күрһәткәндәре өсөн рәхмәт һүҙҙәре һәм бүләккә сувенир ҡурсаҡтар бүләк иттеләр.