12 декабрҙә колледжда беренсе курс студенттары өсөн  “Сәләмәт  йәшәү  рәүеше психологияһы”  темаһына  конференция булып үтте. Сарала  IV  курс студенттары  әүҙем ҡатнаштылар. Докладтарҙың темалары осраҡлы ғына  һайланмаған. Сығыштар көнүҙәк проблемаларға ҡағылышлы   ине. Мәҫәлән: «Физкультура менән шөғөлләнеү ни өсөн файҙалы?», «Нисек дөрөҫ  туҡланырға? », «СПИД-тан нисек һаҡланырға?», «Наркотиктар, алкоголь һәм тәмәке тартыуҙың зыяны» һ.б.

IV  курс студенттары  үҙ сығыштарында  белешмәләрҙән тыш  тыңлаусылар өсөн файҙалы тәҡдимдәр ҙә  яһанылар. Докладсылар студенттарға  сәләмәт  йәшәү рәүеше  кешенең һәр яҡлап дөрөҫ үҫешенә, һаулығын нығытыуға, эшмәкәрлеген үҫтереүгә булышлыҡ итеүе тураһында һөйләнеләр. Улар сәләмәт йәшәү рәүеше төп элементтары: иммунитетты күнектереү һәм сынығыу, яҡшы туҡланыу һәм рациональ йәшәү режимы икәнен аңлаттылар.