УКИиК

     14 декабрь Учалы тарих һәм крайҙы өйрәнеү музейында башҡорт теле көнөнә арналған «Беҙҙеңсә дәрес» тип аталған сара уҙҙы. Был сарала С.Низаметдинов исемендәге Учалы сәнғәт һәм мәҙәниәт колледжы һәм Учалы тау сәнғәте колледжы студенттары ҡатнашты. Сара өс бүлектән торҙо: «Беҙҙеңсә дәрес», М.Аҡмулланың шиғыры буйынса әйтеш, башҡортса караоке.

      Сара барышында студенттар ике командаға бүленеп төрлө һынауҙар үттеләр. Улар башҡорт халҡының милли ризыҡтарын, кейемдәрен, уйын ҡоралдарын, уйындарын иҫкә төшөрҙөләр. Студенттар Йөҙөк кемдә? уйынын уйнап кәйефтәрен күтәрҙеләр. Сара башҡортса караоке менән тамамланды. С.Низаметдинов исемендәге Учалы сәнғәт һәм мәҙәниәт колледжының студенттары уйын һөҙөмтәләре буйынса 1 урын яуланылар.