УКИиК

       12 апрель Учалы тарих һәм тыуған яҡты өйрәнеү музейында Балалар художество мәктәбе уҡыусылары өсөн оҫталыҡ дәрестәре ойошторолдо. «Биҙәү-ҡулланма сәнғәт һәм халыҡ кәсептәре» бүлеге уҡытыусылары Үҙаҡбаева Г.М. менән Хәжиева Ә.Ә. өлкән класс уҡыусыларына колледж тураһында һөйләнеләр, уҡыу йортона инеү тәртиптәре менән таныштырҙылар, музейҙың күргәҙмә залында үткән «Ҡурсаҡ иле» күргәҙмәһе буйынса экскурсия үткәрҙеләр. Үҙаҡбаева Г.М кейеҙҙән башҡорт сувенир ҡурсаҡтарын эшләү буйынса оҫталыҡ дәрестәре үткәрҙе. Хәжиева Ә.Ә балаҫ һуғыу техникаһы менән таныштырҙы. Оҫталыҡ дәрестәрендә 30 ашыу уҡыусы актив ҡатнашты. Һәр уҡыусы ҡурсаҡты үҙ ҡулы менән эшләп ҡараны һәм станокта балаҫ һуғып ҡаранылар. Балалар художество мәктәбе уҡыусылары осрашыуҙан ҡәнәғәт ҡалдылар.