УКИиК

Бөтә донъя хеҙмәтте һаҡлау көнө 28 апрелдә билдәләнә. Рәсәйҙә ул быйыл 18-се тапҡыр үтә. Байрамдың маҡсаты – бәхетһеҙ осраҡтар булдырмау. Сара хәүефһеҙ эш урындарын булдырыу һәм уларҙы яҡшыртыу, профессиональ ауырыуҙарҙы иҫкәртеү, хеҙмәтте һаҡлау өлкәһендә ыңғай тәжрибә эшен пропагандалау уңайынан үткәрелә. Йыл һайын төрлө темаға арналған байрам хеҙмәтте һаҡлау менән бәйле. Быйыл уның девизы – «Пандемияны туҡтатыу: һаулыҡ һәм тормош хәүефһеҙлеге эштә ғүмерҙе ҡотҡара ала». Тажлы вирус инфекцияһы таралыу һөҙөмтәһендә Бөтә донъя хеҙмәт һаҡлау көнөнә арналған саралар онлайн-форматҡа күсте һәм йоғошло сирҙәр менән көрәшкә йүнәлтелде. Айырым иғтибар COVID-19 менән көрәш алып барыусы «алдынғы линияла» хеҙмәт итеүсе – табип, шәфҡәт туташына һ.б. бүленә. Учалы сәнғәт һәм мәҙәниәт колледжында дистанцион форматта үҙизоляция осоронда хәүефһеҙлек буйынса класс сәғәттәре үтәсәк.