УКИиК

20 октябрҙә С. Низаметдинов исемендәге Учалы сәнғәт һәм мәҙәниәт колледжының ике уҡыу корпусында ата-әсәләр йыйылышы булып үтте. Беренсе корпустың бәләкәй залында ата-әсәләр алдында колледж директоры Ғимазитдинова А.Х., уҡыу-уҡытыу эше буйынса директор урынбаҫары Крайнова Е.Р., социаль педагог Алевский С.А. һәм педагог-психолог Илһамова А.Ғ., ә икенсе корпуста тәрбиәүи эштәр буйынса директор урынбаҫары Сергеева Е.Н. сығыш яһанылар.

Ата-әсәләр колледждың уҡыу талаптары, ятаҡта йәшәү ҡағиҙәләре, стипендия һәм башҡа социаль түләүҙәрҙе алыу өсөн документтар тәртибе менән таныштылар. Шулай уҡ «Үҫмерҙәр араһында суицид. Суицидтарҙы иҫкәртеүҙә ата-әсәләрҙең роле» тип исемләнгән доклад һөйләнде һәм тематик видеотаҫма күрһәтелде.