УКИиК

2019 йылдың 12 декабрендә С.Низаметдиновисемендәге Учалы сәнғәт һәм мәҙәниәт колледжында 1-се Башҡорт лицейы уҡыусылары өсөн Асыҡ ишектәр көнө уҙҙы.

Уҡыусылар өсөн бик сағыу программалар әҙерләнгән ине: музей экспозицияларын ҡарау, «Колледжда уҡырға кәрәклектең 10 сәбәбе» исемле видеотаҫма күрһәтелде һәм уҡытыусылар менән әңгәмә үтте.

Сараны тамамлап колледждың студенттары һәм уҡытыусылары, солистары һәм ижади коллективтары ҡатнашлығында лицеистар өсөн әҙерләнгән сағыу концерт булды: «Уралым» халыҡ инструменттары оркестры (етәксеһе Крайнов О.В.), «Камертон» академик хоры (етәксеһе Еремкина Е.Б., концертмейстер Васючкова Е.В.), «Яйыҡ» ҡурайсылар ансамбле (етәксеһе Зәйнышев Т.Х.), «Томан» этно-төркөмө (етәксеһе Юлдашбаев И.С.), «Ҡойон» халыҡ бейеүҙәре ансамбле (етәкселәре Әһлиев В.М. һәм Зәйнышева Ю.Р.), фортепиано дуэты (Вәлиева Н.Г. һәм Минћәжева А.А..), «Һуҡма ҡорал» бүлегенең 2 курс студенты Хәмбәлиев Н. (уҡытыусыһы Байтурин И.З.), «Халыҡ йырын яңғыҙ башҡарыу» бүлеге студенты Фәйзуллина Г. (уҡытыусыһы Йәнтурина Л.А.), «Халыҡ йырҙарын хор менән башҡарыу» -Арғынбаев А. (уҡытыусыһы Хәйруллина Н.Л., концертмейстер Беляев А.В.).

«Асыҡ ишектәр көнө» бик йылы байрамса атмосферала уҙҙы. Мәрхәмәтлек сараларын ойоштороусыларҙа ла һәм ҡунаҡтарҙа ла яҡшы тәьҫораттар ҡалды.

Элина Вәлиуллина