УКИиК

        Салауат Низаметдинов исемендәге Учалы сәнғәт һәм мәҙәниәт колледжында белем алған ваҡытта студенттар бик күп ҡыҙыҡлы һәм яңы мәғлүмәттәр алалар. 2021 йылдың 16 декабрь көнө студенттар һәм уҡытыусылар Н.Л.Хәйруллинаның һәм Л.Ш.Алтынаманованың “Башҡортостан республикаһы территорияһында булған ҡурсаҡтарҙың мәғәнәһе» темаһына арналған асыҡ дәрестә булдылар.

      Дәрес барышында улар төйөнлө ҡурсаҡтарҙың килеп сығыу тарихын, ата-бабаларыбыҙ тормошонда бик күп функция үтәүен белделәр. Бындай ҡурсаҡтар уйынсыҡ ҡына түгел, хатта һаҡлаусы, дауалаусы ла булып торғандар.

      Студенттар Д. Михеева, Г. Әхмәтйәнова, К.Мартынкевич ҡурсаҡтарҙың төрлө төрҙәре, уларҙың урыҫ һәм башҡорт халҡының тормошонда ролдәре хаҡында һөйләнеләр. Уларҙың сығыштары слайдтар һәм халыҡ оҫталары эштәренең һүрәттәре менән оҙатылып килде. Һуңынан «Халыҡ йырҙарын күмәк йырлау» бүлеге уҡытыусыһы Хәйруллина Н.Л. үҙенең төйөнлө ҡурсаҡтарҙы эшләү серҙәре менән бүлеште. Уға «Декоратив-ҡулланма сәнғәт һәм халыҡ кәсептәре» бүлеге уҡытыусыһы Ю.А.Хөснуллина ҡушылды. Ҡыҙыҡһыныусан тамашасылар күҙ алдында урыҫ һәм башҡорт халҡының символоның тыуыуын күрҙеләр. Дәрес бик күп ыңғай тәьҫораттар ҡалдырҙы.

Е.В.Васючкова