УКИиК

          26 май С.Низаметдинов исемендәге Учалы сәнғәт һәм мәҙәниәт колледжында «Һуңғы ҡыңғырау» сараһы уҙҙы. Байрамса биҙәлгән залда уҡытыусылар, студенттар, ата-әсәләр йыйылған, йылы атмосфера хөкөм һөрә. Ҡотлау телмәре менән колледж директоры А.Х.Ғимәзитдинова сығыш яһаны, сығарылыш студенттарына изге теләктәр теләне.

        Ата-әсәләр уҡытыусыларға үҙҙәренең рәхмәт һүҙҙәрен әйттеләр. Дүрт йыл һә тигәнсе үтеп тә китте, хәҙер сығарылыш студенттары уҡытыусыларға, концертмейстерҙарға, колледж хеҙмәткәрҙәренә рәхмәт һүҙҙәрен еткерҙеләр. Был мәл бөтәһенең дә күңелендә онотолмаҫ тәьҫораттар ҡалдырҙы. Хәйерле юл һеҙгә, сығарылыш уҡыусылары!

Е. В. Васючкова