УКИиК

2020 йылдың 28 апрелендә С.Низаметдинов исемендәге Учалы сәнғәт һәм мәҙәниәт колледжы уҡыусылары өсөн zoom платформаһында онлайн режимында Ғ.Туҡай ижадына арналған «Үлемһеҙлеккә юл» исемле сара уҙҙы. Рус теле һәм әҙәбиәте уҡытыусыһы Иванова Ф.Н. шағирҙың тормошо һәм ижады менән таныштырып үтте. Уҡыусылар шиғырҙарын «Пар ат», «Азатлыҡ тураһында», «Шүрәле» поэмаһынан өҙөктәр уҡынылар. Китапханасы Батыршина Н.Н. «1986 йыл. Халыҡ шағиры Ғабдулла Туҡайҙың тормошо һәм ижады» фильмы тураһында балаларға һөйләне.

Ғабдулла Туҡайҙың ғүмере ҡыҫҡа булды. Әммә ул ошо ваҡыт эседә 30 томға яҡын шиғырҙарын һәм 13 балалар өсөн әҫәрҙәр йыйынтығы, татар фольклоры тураһында бер нисә хеҙмәтен баҫтырып сығарҙы.

Бик күп шиғырҙарына татар композиторҙары йырҙар яҙҙылар һәм был йырҙарҙы бөгөн дә башҡаралар. Шағир рус классикаһын яҡшы белгән һәм бик күп көсөн рус әҙәбиәтен татарсаға тәржемә итеүгә бирә. Ул М.Ю.Лермонтовтың, А.Н.Майковтың, И.С.Никитиндың шиғырҙарын үҙенең тәржемәһендә уҡып еткерҙе, шулай уҡ Л.Н.Толстойҙың ижад емеше менән дә таныштырҙы.

Эйе, бөйөк татар шағирының тормош һәм ижад юлы бик ҡыҫҡа, ләкин был юл – үлемһеҙлеккә юл булды.