УКИиК

6 мартта С.Низаметдинов исемендәге Учалы сәнғәт һәм мәҙәниәт колледжында талантлы яҙыусы, башҡорт романына нигеҙ һалыусы Һәҙиә Дәүләтшинаның ижадына арналған әҙәби уҡыуҙар үтте. Уҡыуҙы башҡорт теле һәм әҙәбиәте уҡытыусыһы Иванова Ф.Н. һәм китапханасы Батыршина Н. Н. ойошторҙолар. 3 курс студенттары яҙыусының «Ырғыҙ» романынан һәм «Һылыуҡай пионерка» әҫәренән өҙөктәрҙе рус һәм башҡорт телендә уҡынылар. «Һәҙиә» тип исемләнгән фильм бер кемде лә битараф ҡалдырманы. Уҡыусылар әҫәрҙәрҙе уҡығандан һуң алған тәьҫораттары менән уртаҡлаштылар. Һәҙиә Дәүләтшина һәм Марина Цветаеваның ижадын һәм тормошон сағыштырҙылар. Улар бер ҡасан да осрашмаған, әммә яҙмыштары шул тиклем оҡшаш уларҙың тигән һығымтаға килделәр.

Фания Иванова