УКИиК

 С. Низаметдинов ис. УСМК 13 ғинуарҙан 15  ғинуарға тиклем колледж һәм Башҡортостандың Урал аръяғының балалар музыка мәктәптәре уҡытыусылары өсөн һөнәри белем  арттырыу  курстары ойошторолдо. Курстар Заһир Исмағилев исемендәге Өфө дәүләт сәнғәт институты, институт  ректоры профессор, БР атҡаҙанған сәнғәт эшмәкәре Әсфәндиәрова Әминә Ибраһим ҡыҙы булышлығы ярҙамында ойошторолдо.

Курстарҙы “Сәнғәт нигеҙҙәре һәм сәнғәт теле”  темаһы буйынса  Заһир Исмағилев исемендәге Өфө дәүләт сәнғәт институты профессоры, БР  атҡаҙанған   сәнғәт эшмәкәре Виталий  Александр улы Шуранов  үткәрҙе.

Курстарҙың эшендә Учалы ҡалаһынан, Учалы районы ауылдарынан 50 ашыу уҡытыусы ҡатнашты.

Виталий Александр улы тыңлаусыларҙы  уҙенең автор курсы менән таныштырҙы.  Лекторҙың  сығышынан  һәр тыңлаусы уҙе өсөн бик фәһемле,  ҡыҙыҡлы мәғлүмәт таба алды.

Профессор  Учалы сәнғәт һәм мәҙәниәт  колледжының  сығарылыш  курс студенттары менән  осрашты һәм  уларҙы Өфө сәнғәт институты яңылыҡтары менән таныштырҙы.  Бөгөнгө көндә ныҡлы әҙерлекле кадрҙар кәрәклеген  иҫкә алып, Өфө институтының өҫтөнлөктәрен әйтеп,  2019  йылда институтҡа ҡабул итеү ҡағиҙәләре һәм шарттары тураһында һөйләне.

Учалы сәнғәт һәм мәҙәниәт колледжы  администрацияһы, курстарҙы тыңлаусылар, студенттар Шуранов Виталий Александр улына  рәхмәт белдерҙеләр, артабан хеҙмәттәшлек итеүгә өмөт белдерҙеләр.

Колледж администрацияһы  Заһир Исмағилев исемендәге Өфө дәүләт сәнғәт институты  профессоры, атҡаҙанған сәнғәт эшмәкәре Әсфәндиәрова Әминә Ибраһим ҡыҙына курстарҙы ойоштороуҙағы ярҙамы өсөн ҙур рәхмәт белдерә.

Елена Крайнова