УКИиК

2019 йылдың 25 апрелендә С. Низаметдинов исемендәге Учалы сәнғәт һәм мәҙәниәт колледжы студенттары Учалы ауылының Башҡорт гимназияһы уҡыусыларының ата-әсәләре алдында концерт менән сығыш яһанылар. “Хореография ижады” бүлеге студенттары Розалия Шәғәлина, Карина Ғәйнитдинова, Айҙар Турсумбаев, Айгиз Хәсәнов, Рифат Ғәйнитдинов ҡыҙыҡлы бейеүҙәр менән ҡыуандырҙылар.

Ләйсән Фәйҙуллина һәм Татьяна Веселованың йырҙары кисәгә йәм өҫтәне. Илнур Солтанморатов ҡурайҙа уйнауы менән барыһын да хайран ҡалдырҙы. Юлиә Зәйнәшева ата-әсәләрҙе һәм 9-сы синыф уҡыусыларын колледжға уҡырға инеү ҡағиҙәләре һәм имтихандар ваҡыты, уҡыу бүлектәре, колледж тарихы менән таныштырҙы. Осрашыу һуңында колледж эшмәкәрлеге тураһында видеосюжет күрһәтелде.