УКИиК

          2021 йылдың 29 апрелендә Учалы ҡалаһының 10-сы һанлы урта мәктәбе уҡытыусылары саҡырыуы буйынса С.Низаметдинов исемендәге Учалы сәнғәт һәм мәҙәниәт колледжының уҡытыусыһы Ишмакова Алһыу Рафаэль ҡыҙы 9-11 класс уҡыусылары алдында  йыһанға беренсе кешенең осоуына 60 йыл тулыуға арналған профориентацион лекция менән сығыш яһаны.

            Был юбилей датаға айҡанлы  Алһыу Рафаэль ҡыҙының сығышында космонавтика,  кеше һәм йыһан темалары сағылыш алды. Шул дәүерҙең мөһим ваҡиғаһы — йыһанды үҙләштереү рәссамдар һәм музыканттар ижадында сағылыш тапты. Уҡытыусылар һәм уҡыусылар мәғлүмәткә бай булған лекция-әңгәмә һәм тыңлаусыларҙа ҙур ҡыҙыҡһыныу тыуҙырған  өсөн Алһыу Рафаэль ҡыҙына ихлас рәхмәт һүҙҙәрен еткерҙеләр.