УКИиК

24 апрелдә ғаиләгә, балаларға , йәштәргә социаль-психологик ярҙам күрһәтеү үҙәге хеҙмәткәрҙәре Учалы сәнғәт һәм мәҙәниәт колледжы уҡыусылары менән берлектә туй йолаларына арналған сара үткәрҙеләр. Беренсе команда башҡорт туйынан өҙөк күрһәтте, икенсе команда уйын формаһында рус туйы йолалары тураһында һөйләне. Һуңынан уҡыусылар башҡа илдәрҙең туй йолаларына ҡағылышлы һорауҙарға яуаптар бирҙеләр. Үрнәк ғаилә темаһына арналған ижади эштәр башҡарып, үҙ эштәренә аңлатма бирҙеләр. Бындай саралар бик мөһим, сөнки студенттарҙа ғаилә ҡиммәттәре һәм үҙ халҡының йолаларын белеү, хөрмәт итеү кеүек һыҙаттар тәрбиәләүгә булышлыҡ итә.

Елена Сергеева