УКИиК

         С.Низаметдинов исемендәге Учалы сәнғәт һәм мәҙәниәт колледжында йыл һайын февраль айында Халыҡ-ара туған телдәр көнөнә арналған саралар уҙа. Колледждың бөтә бүлек студенттары был сараларҙа ихлас ҡатнашалар.

       2021 йылдың 10 февралендә  «Һеҙҙең сығыш!» алып барыусылар конкурсы үтте. Был конкурста ҡатнашыусылар туған телеңде белеү- уңышҡа асҡыс икәнлеген тағы ла бер тапҡыр сәхнәлә иҫбатланылар.

      2021 йылдың 19 февралендә 1-3 курс студенттары «Туған телем –халҡым рухы» исемле ораторлыҡ оҫталығында көс һынаштылар. Студенттар туған телебеҙгә һөйөүҙәрен яратҡан авторҙарҙың шиғырҙары һәм әҫәрҙәре аша еткерҙеләр.

      2021 йылдың 20 февралендә колледж уҡытыусылары һәм студенттары Башҡортостан Республикаһы телдәрендә халыҡ-ара диктантта ҡатнаштылар. Сара онлайн рәүештә ойошторолдо,  текст уҡылған видеояҙма https://bash-mir.ru/ сайтына ҡуйылды. Туған телебеҙ – илһам сығанағы. Беҙ уны яратырға һәм һаҡларға бурыслыбыҙ!