УКИиК

8 октябрҙә Салауат Низаметдинов исемендәге Учалы сәнғәт һәм мәҙәниәт колледжы уҡытыусылары һәм студенттары Белорет районының Тирлән ауыл мәҙәниәт йортонда сығыш яһанылар. Концерт Башҡортостан республикаһы көнөнә һәм тыуған илебеҙҙең 100 йыллыҡ юбилейына арналған ине. Тирлән тамашасылары өсөн башҡорт, рус, татар бейеүҙәре һәм йырҙары, ҡурай, баян көйҙәре яңғыраны. Тамашасыларға беҙҙең колледж тураһында видеотаҫма күрһәтелде. «Хореография ижады» бүлегенең рәйесе Зайнышева Ю.Р. уҡырға керергә теләүселәрҙе ҡабул итеү имтихандары тураһында тулыраҡ мәғлүмәт менән таныштырҙы. Концерттан һуң артистарға йылы теләктәр һәм рәхмәт һүҙҙәре әйттеләр. Артабан да ижади эштәрендә еңеүҙәргә өлгәшеүҙәрен теләнеләр.

«Хореография ижады» бүлегенең  ПЦК рәйесе

Юлиә Зайнышева