УКИиК

Ватанды һаҡлаусылар көнө алдынан «Тиҫтер» ҡала клубында Учалы сәнғәт һәм мәҙәниәт колледжы  студенттары Бөйөк Ватан һуғышы ветерандары, яугир-интернационалистар менән осрашты.

«Тере хәтер» тип аталған сарала Бөйөк Ватан һуғышы ветерандары Нәсимә Нуретдин ҡыҙы Фәтхуллина менән Ғарифулла Ғәйфулла улы Зөлҡәрнәев һәм «Хәрби хәрәкәттәр ветерандары союзы» ижтимағи ойошмаһы ағзалары  Рөстәм Алмас улы Нуреев, Салауат Нәжип улы Лоҡманов, Рөстәм Фәрит улы Һәүбәнов, Әлим Заһиҙулла улы Әхмәтов, Ильяс Арыҫланғәли улы Сафиуллин, Наил Рауил улы Хөснийәров, Дмитрий Полетавкин, Булат Марат улы Шакиров ҡатнашты. Улар үҙҙәренең тормош юлы, күргән-кисергәндәре хаҡында бәйән итте. Ветерандарҙың һөйләгәндәре, өлкән быуын өлөшөнә төшкән ауырлыҡтар бер кемде лә битараф ҡалдырманы. Колледж студенттары ҡунаҡтар өсөн концерт программаһын әҙерләп, Диана Йәһүҙина, Ришат Сөләймәнов, Азалия Ялалова матур сығыш яһаны.

Йәш быуында илһөйәрлек тойғоһон, юғары идеалдарға тоғролоҡ тәрбиәләүҙә бындай саралар баһалап бөткөһөҙ мөһим.

Елена Сергеева