УКИиК

        23 апрель С.Низаметдинов исемендәге Учалы сәнғәт һәм мәҙәниәт колледжының концерт залында Таһир Сәйфуллин исемендәге Республика академия хор капеллаһының концерты үтте. Концерт программаһы тамашасыларға онотолмаҫ тәьҫораттар ҡалдырҙы. Бик күп композиторҙарҙың, шул иҫәптән С.Рахманиновтың «Всенощного бдения» кеүек әҫәрҙәре яңғыраны.

         Концерттың йәме булып Башҡортостан композиторҙары Ш.Ибраһимовтың «Дилә», Н . Дауытовтың «Фатима «, Р.Аҡсурин эшләүендә башҡорт халыҡ йыры «Шәл бәйләнем» кеүек әҫәрҙәре торҙо. С.Низаметдинов исемендәге Учалы сәнғәт һәм мәҙәниәт колледжының «Хор менән дирижёрлыҡ итеү» бүлеген тамамлап, әлеге ваҡытта капелланың хормейстры, вокал ансамбленең етәксеһе Хафизова Гүзәл Ишбай ҡыҙы өсөн тамашасылар ҙур ғорурлыҡ кисерҙеләр. Алһыу Афған ҡыҙы Хәсбиуллина етәкселегендәге капелланың үҙенсәлекле моңо бөтәһен дә хайран ҡалдырҙы.

          Колледждың администрацияһы коллективтың сығышы менән дәртләнеп, уларҙы юбилейы менән ҡотланы һәм ижади уңыштар теләне.

Э.Кайбышева