УКИиК

     29 сентябрь С. исемендәге Учалы сәнғәт һәм мәҙәниәт колледжының дөйөм ятағында йәшәүсе беренсе курс студенттары өсөн байрам сараһы уҙҙы. Тәрбиәселәр етәкселегендә студенттар советы студенттар тормошо тураһында ҡыҙыҡлы мәғлүмәттәр, беренсе сессияны тапшырыу хаҡында театрлаштырылған постановка, ҡотлау номерҙары һәм конкурстар ойошторҙолар. Байрамды алып барыусылар Мөғәллимов Рөстәм менән Ғибәева Азалия беренсе курс студенттарына дөйөм ятаҡтың икенсе өй булыуының әһәмиәтен аңлаттылар. «Хореография ижады» бүлегенең беренсе курс студенттары үҙҙәренең таланттарын күрһәттеләр, ә «Хор менән дирижёрлыҡ итеү» бүлегенең студенты Спицина Полина үҙе ижад иткән шиғырын уҡып ишеттерҙе. Осрашыу беренсе курс студенттарының анты менән тамамланды. Уҡыусылар дөйөм ятаҡ ҡағиҙәләрен теүәл үтәргә, яҡшы уҡырға һәм татыу булырға ант иттеләр. Сара күңелле һәм ҡыҙыҡлы үтте, беренсе курс студенттарына берҙәм булырға мөмкинлек бирҙе.