УКИиК

20 ноябрҙа С. Низаметдинов исемендәге Учалы сәнғәт һәм мәҙәниәт колледжы уҡыусылары Рәсәй Һаулыҡ һаҡлау министрлығының “Туҡта ВИЧ/СПИД” Бөтә Рәсәй акцияһында ҡатнашты. Бөтә донъя СПИД-ҡа ҡаршы көрәш көнө уңайынан үткәрелгән акцияны Республика СПИД-ҡа һәм йоғошло ауырыуҙарға ҡаршы көрәш һәм иҫкәртеү үҙәге ойошторҙо. Ойоштороусылар студенттар өсөн махсус стенд һәм театрлаштырылған тамаша әҙерләгәйне: “Ҡауырһын” балаларҙың һәм йәштәрҙең ижади үҫеше студияларының төбәк-ара берекмәһе йәштәр араһында ВИЧ-тың таралыуы проблемаһын күтәргән «LIFE” спектаклен күрһәтте. Акция сиктәрендә һәр кем ВИЧ-инфекция, СПИД-ҡа ҡағылышлы һорауҙарға белгестәрҙән консультация һәм бушлай ВИЧ-ҡа экспресс-тест үтә алды.

 Альмира Ильгамова