УКИиК

29 апрелдә Салават Низаметдинов исемендәге Учалы сәнғәт һәм мәҙәниәт колледжында көндөҙгө бүлек сығарылыш студенттарын эш менән тәьмин итеү буйынса ултырыш үтте. Быйылғы комиссия ултырышы дистанцион режимда уҙҙы.

2020 йылда Учалы сәнғәт һәм мәҙәниәт колледжының көндөҙгө бүлеген 9 йүнәлеш буйынса 35 студент тамамлаясаҡ. Инструменталь башҡарыу, Вокал сәнғәте, Яңғыҙ һәм халыҡ йырҙарын башҡарыу, Халыҡ йырҙарын хор менән башҡарыу, Хор менән дирижерлыҡ итеү, Музыка теорияһы, Биҙәү-ҡулланма сәнғәт һәм халыҡ кәсептәре: ташты нәфис эшкәртеү, туҡыманы художество биҙәү, нәфис туҡыусылыҡ һәм кейеҙ баҫыу, Халыҡ художество ижады: хореография ижады бүлектәренең йәш белгестәре Учалы, Дыуан, Белорет, Бөрйән райондары, Сибай, Учалы, Белорет ҡалалары һәм Силәбе өлкәһе филармония, балалар музыка мәктәбе, балалар сәнғәт мәктәбе, мәҙәниәт йорттарына йүнәлештәр алдылар. Студент, уҡыу йорто һәм эш биреүселәр араһында өс яҡлы килешеүҙәр һәр сығырылыш студенты менән төҙөлгән. Был эшкә урынлашыу өсөн нигеҙ булып тора.

Комиссия ағзалары сығарылыш студенттарына илдә коронавирус менән бәйле ҡатмарлы хәлдәр булыуға ҡарамаҫтан, дәүләт йомғаҡлау аттестацияһы һынауҙарын уңышлы тапшырырға һәм артабанғы хеҙмәт эшмәкәрлегендәге уңыштар теләнеләр.