УКИиК

     С.Низаметдинов исемендәге Учалы сәнғәт һәм мәҙәниәт колледжы уҡытыусыларының Учалы балалар музыка мәктәбе, балалар ижад мәктәбе уҡытыусыларының һәм уҡыусыларының метод берекмәһенә ижади тәьҫир итеү ысулдарының береһе булып 2021 йылдың 7 декабрендә Иманғол балалар ижад мәктәбендә үткән колледж уҡытыусыһы А.М.Әюпованың оҫталыҡ дәрестәре торҙо. А.М.Әюпова һәләтле балалар Муллаянова Рианна (1 класс) һәм Хәфизова Регина (2 класс) менән фортепиано класы буйынса ҡыҙыҡлы һәм мауыҡтырғыс дәрес үткәрҙе.

       Методик ярҙам сифатында концертмейстер вазифаһында эшләү осоронда күп йыллыҡ эш тәжрибәһе менән балалар ижад мәктәбе уҡытыусыһы һәм концертмейстеры С.И.Әхмәтхәнова менән уртаҡлашты. Иманғол балалар ижад мәктәбе коллективы методик ярҙам өсөн  рәхмәт белдерҙе һәм артабан да хеҙмәттәшлек итеүгә өмөттәрен белдерҙе.