УКИиК

       Яңы йыл өлкәндәр һәм балалар өсөн йылдың төп байрамдарының береһе булып тора. 2021 йылдың декабрендә С.Низаметдинов исемендәге Учалы сәнғәт һәм мәҙәниәт колледжында «Яңы йылға иң яҡшы биҙәлгән кабинет» тигән конкурс иғлан ителде.

     Биҙәлгән кабинеттарҙы түбәндәге критерийҙар буйынса һайланылар: дөйөм дизайн иҫәпкә алынды, автор идеяһы, яңы йыл тематикаһына ярашлы булыу, йыл символикаһы һ.б. талаптарға тура килергә тейеш ине. Был конкурс шатлыҡлы байрам кәйефе ойошторорға ярҙам итте, тағы ла бер тапҡыр студенттарҙың талантлы икәнлеген күрһәтте.

     Барлыҡ ҡатнашыусылар яңы йыл проектын эшләүҙә үҙ көстәрен һалдылар. Ҡыҙыҡлы идеялар, сағыу төҫтәр байрам кәйефен тыуҙырҙы. Бөтә ҡатнашыусылар татлы приздар алдылар!

    Уҡытыусыларға һәм студенттарға сифатлы һәм ижади итеп кабинеттарҙы биҙәгәндәре өсөн ҙур рәхмәт! Етеп килгән байрам менән! Яңы йылда уңыш, ғаилә именлеге теләйбеҙ!