УКИиК

14 мартта колледждың бөтә булектәренең II курс уҡыусылыры өсөн уҡытыусылар Айбатова Г. Т. һәм Воронина Е. В. “Башҡортостанда 1950-1980 йылдарҙа музыкаль сәнғәт һәм һынлы сәнғәт” темаһына интеграцияланған дәрес үткәрҙеләр. Был дәрес БАСССР-ҙың 100 йыллығына арналған саралаҙың бер өлөшө булып тора.

Дәрестең беренсе өлөшө Башҡортостанда музыка мәҙәниәте үҫешенә арналды . 1960-1970 йылдарҙа музыка училищеләре, институт асылыуы; милли композиторҙар мәктәптәре барлыҡҡа килеүе һәм үҫешеүе; балет һәм опера төркөмдәре оҫталығы арта барыуы; 60-сы йылдарҙа үҙешмәкәр түңәрәктәр йылдам үҫешеүе тураһында һөйләнелде.

Дәрестең икенсе өлөшө һынлы сәнғәт үҫешенә бағышланды. С Тавасиев тормошо һәм ижады тураһында һөйләнелде. Нестеров музее тарихы һәм эшмәкәрлеге яҡтыртылды.

Газеталар, радио һәм телевидение тураһында ла күп мәғлүмәттәр бирелде. Уҡыусылар өсөн дәрестә музыкаль әҫәрҙәр ҙә яңғыраны.

Гузаль Айбатова, Елена Воронина