УКИиК

10 апрелдә С. Низаметдинов исемендәге Учалы сәнғәт һәм мәҙәниәт колледжының концерт залында уҡыусыларҙың һәм уҡытыусыларҙың Учалы районы бәлиғ булмағандар эше булеге етәксеһе полиция майоры Юнусов В. Х ., инспектор Нуриева Г. Ф. менән осрашыуы булды. Спиртлы эсемлектәр эсеүҙең һәм наркотиктар ҡулланыуҙың эҙемтәләре менән таныштырылды, урлашыуҙың нимәгә килтергәне аңлатылды. Сараны ойоштороусылар студенттарҙың һорауҙарына яуаптар бирҙеләр. Осрашыу һуңында Вадим Хәдис улы “Һин һайлаған юл” профилактик акцияһы, уның әһәмиәте тураһында һөйләне.

“Һаҡ булығыҙ алдаҡсыларҙан” темаһына һүрәттәр, плакаттар конкурсы тураһында белдерҙеләр. Шулай уҡ тематик синыф сәғәттәре һәм ата-әсәләр йыйылыштары үткәрергә тәҡдим иттеләр.

                                                                                                          Елена Сергеева