УКИиК

Фольклор – ул ололарҙың быуындан-быуынға, телдән-телгә күскән мираҫы. Рәсәйҙә хореография сәнғәтенең алтын фондын тап фольклор булдырған. 2020 йылдың 18 мартында С.Низаметдинов исемендәге Учалы сәнғәт һәм мәҙәниәт колледжында буласаҡ хореографтар өсөн Ғайсарова Г.Р. «Фольклор һәм уның жанрҙары» исемле темаға класс сәғәттәре үткәрҙе. Сараны Учалы филармонияһының «Хазина» халыҡ фольклор коллективы асты. Етәксеһе — Башҡортостан Республикаһының атҡаҙанған мәҙәниәт хеҙмәткәре Ғ.Кудрявая. «Минең аҡ яулығым» исемле программа аҫтында халыҡ ижадының музыка, йыр, бейеү жанрын күрһәттеләр. Ғ.Кудрявая яулыктың һәр ҡатын-ҡыҙҙың тормошонда әһәмиәтен билдәләне, уның символы булараҡ тәғәйенләнеше тураһында, гүзәллек, статус, социаль хәле һ. б. хаҡында һөйләне. Шулай уҡ уҡыусылар башҡорт һәм рус халыҡ йомаҡтарын систеләр, тиҙәйткестәр әйттеләр. Ғайсарова Г.Р. халыҡ уйындарын үткәрҙе. Сара Ғайсарова Г.Р. тарафынан ҡуйылған «Ҡарға бутҡаһы» исемле бейеү менән тамамланды. Бейеүҙе 4 курс студенттары башҡарҙы.