УКИиК

2019 йылдың 27 сентябрендә «Йәшмә» кинотеатрында Салауат Низаметдинов исемендәге Учалы сәнғәт һәм мәҙәниәт колледжының Башҡортостан Республикаһының 100 йыллығына арналған күргәҙмәһе асылды. Экспозиция «Декоратив-ғәмәли сәнғәт һәм халыҡ кәсептәре» бүлегенең уҡытыусылары Ю.А.Хөснуллина, С.А.Фрюауф, И.И.Шәрәфутдинова һ.б. башҡарыуында әҙерләнде.

Башҡортостан Республикаһы йәш художниктарҙың ҡарашы менән кейеҙ баҫыу, акварель, майлы буяу менән һүрәт төшөрөү кеүек алымдар аша һүрәтләнгән. Күргәҙмәгә килеүселәр иғтибарына Башҡортостандың тәбиғәт күренештәре, милли көнкүреш әйберҙәренән натюрморт, стилләштерелгән кейеҙ паннолар тәҡдим ителгән.

Күргәҙмә менән декабрь айына тиклем танышырға мөмкин. Күргәҙмәгә инеү бушлай.

Светлана Фрюауф