УКИиК

            Өфөлә башҡорт милли кейеме оҫталарының «Тамға» халыҡ-ара конкурсы үтте. Ҡатнашыусыларҙың эштәре түбәндәге номинациялар буйынса баһаланды: «Башҡорт милли кейеме», «Заманса авторлыҡ кейеме», «Балалар кейеме», «Башҡорт милли ювелир биҙәүестәре», «Башҡорт кейеме аксессуарҙары». Конкурс «Башҡорт милли кейеме» брендын булдырыу талаптарына яуап бирҙе. Конкурста С.Низаметдинов исемендәге Учалы сәнғәт һәм мәҙәниәт колледжының биҙәү-ҡулланма сәнғәт һәм халыҡ кәсептәре бүлектәренең уҡытыусылары һәм студенттары актив ҡатнаштылар.