УКИиК

        2020 йылда Башҡортостан Республикаһы композиторҙар союзына 80 йыл тулды. 24 февралдә С.Низаметдинов исемендәге Учалы сәнғәт һәм мәҙәниәт колледжында 1 курс өсөн ошо ваҡиғаға арналған сара уҙҙы. Кисәне «Музыка теорияһы» бүлеге уҡытыусыһы Крайнова Е.Р. һәм  «Халыҡ инструменттары оркестры» бүлеге уҡытыусыһы Крайнов О.В. әҙерләне. Сара «Вокал сәнғәт»енең  2 курс студенттары һәм «Уралым»  оркестрының  ҡатнашлығында үтте.  

          Елена Рудольфовна Башҡортостан Республикаһы композиторҙар союзы тарихы тураһында һөйләне, ә студенттар Союз ағзаларының биографияһы, композиторҙарҙың ижады менән таныштырып үттеләр. 

          Уҡытыусыларҙың һәм студенттарҙың һөйләүе слайд, картина менән күрһәтелде. «Уралым» оркестр башҡарыуында (художество етәксеһе һәм дирижеры Крайнов О.В.) композиторҙарҙың әҫәрҙәре яңғыраны.  

         Кисә ҡыҙыҡлы һәм фәһемле үтте. Студенттар башҡорт композиторҙары ижадына тағы ла мөрәжәғәт итерҙәр тип ышанып ҡалабыҙ.