УКИиК

        11 февралдә С.Низаметдинов исемендәге Учалы сәнғәт һәм мәҙәниәт колледжының 1 һәм 2 курс студенттарының Социаль — психологик ярҙам үҙәгенең белгестәре менән осрашыуы үтте. Ғөбәйҙуллина Д.В. «Бөгөнгө донъяла толерантлыҡ» тигән темаға ҡыҙыҡлы дәрес үткәрҙе. Дәрес бөгөнгө донъяла толерантлыҡ һәм уның актуаллеге, йәштәрҙә толерантлыҡ тәрбиәләүҙә социаль-педагогик аспекттар мәсьәләләренә арналды.

         Тема бик актуаль, сөнки хәҙерге заманда, үкенескә, йәмғиәттә агрессияның артыуы күҙәтелә, экстремизм күренештәре лә юҡ түгел, конфликттар даими ҡалҡып тора. Йәштәргә хас максимализм, социаль проблемаларҙы йәһәт кенә хәл итергә ынтылыш арҡаһында йәмғиәттәге тотороҡһоҙлоҡ айырыуса йәштәргә ҡағыла. Сара барышында Диана Вәис ҡыҙы уҡыусыларға башҡаларҙы ихтирам итеүҙең мөһимлеген, ни өсөн проблемаларҙы тыныс юл менән хәл итергә кәрәклеген аңлатты. Башҡа милләттәр менән татыу йәшәүҙең, бер-береңә ҡарата һаҡсыл һәм ихтирамлы булыуҙың әһәмиәте хаҡында тағы ла бер иҫкәртеү менән әңгәмә тамамланды.