УКИиК

       С.Низаметдинов исемендәге Учалы сәнғәт һәм мәҙәниәт колледжының бәләкәй залында Айбатова Г.Т. Башҡорт музыка әҙәбиәте буйынса «ДДТ» рок-группаһына һәм уның алыштырғыһыҙ етәксеһе Ю.Шевчукка арналған асыҡ дәрес үткәрҙе.  

       Гүзәл Таймас ҡыҙы йырсының тормош юлы, рок-төркөмөнөң үҫеш этаптары, яҡындары тураһында һөйләп үтте. 1982 йылда «Комсомольская правда» гәзите Бөтә Союз  «Алтын камертон» конкурсын иғлан итә. Унда бөтә илдән төркөмдәр ҡатнаша. Шевчуктың төркөмө беренсе турҙан үтә, төркөмдөң рәсми атамаһы мәсьәләһе килеп тыуғас,  «ДДТ» тигән исем алына. Төркөм «Не стреляй» тигән йыр менән был конкурстың лауреаты була.

       1993 йылда Юрий Шевчук иң яҡшы рок-йырсыһы тип табылды. Шевчук илдәге ваҡиғаларға — 1993 йылғы ҡораллы ҡапма-ҡаршы тороуға, Чечнялағы һуғышҡа — киҫкен фекерен белдерә бара, ваҡиғалар уртаһында ҡайнай.

        «ДДТ» төркөмө  хәйриә кисәһе үткәреп Юрий Шевчук концерттың бөтә гонорарын онкологик сирҙән яфа сигеүселәргә ярҙам итеп Доктор Лизаның фондына күсерә.  

         Дәрес видеоклиптар күрһәтеү менән оҙатылып килде. «Нимә ул көҙ» хиты “Вокал ижады” бүлегенең 2 курс курс студенттары Э.Исҡужин һәм Г.Әхмәдйәнова (уҡытыусылары Л.Йәнтурина, Д.Сәхәүтдинова) тарафынан башҡарылды.