УКИиК

       2022 йылдың 21 мартында С.Низаметдинов исемендәге Учалы сәнғәт һәм мәҙәниәт колледжының кесе залында Республика балалар хор коллективтарының «Хор йәйғоро» конкурстарында ҡатнашыусыларҙың видеояҙмаларын ҡарап үттеләр. «Хор менән дирижерлыҡ итеү» бүлеге уҡытыусылары Кайбышева Э.К., Трушкова И.Л., һәм Даушев И.З. конкурсты ғәҙәти булмаған форматта үткәрҙеләр.

       Студенттарға, буласаҡ дирижерҙарға, үҙҙәрен жюри булараҡ һынап ҡарарға тәҡдим иттеләр. Шулай итеп, конкурсанттарҙы студенттар һәм уҡытыусыларҙан торған ике жюри баһаланы. Конкурс алдынан студенттар конкурс положениеһы, баһалау критерийҙары һәм талаптары менән таныштылар.

      Компетентлы жюри ағзалары, видеояҙмаларҙы ҡарап анализлағандан һуң, конкурста ҡатнашҡан Балалар музыка мәктәбе һәм Учалы методик берекмәһе хор коллективтарына иҫәпләп балл ҡуйҙылар. Шулай итеп «Хор менән дирижерлыҡ» итеү бүлеге студенттары конкурсанттарҙың сығышын баһалап жюри ағзалары сифатында беренсе эш тәжрибәһе алдылар. Буласаҡ дирижерҙар өсөн был эшмәкәрлек төрө бик ҡыҙыҡлы һәм файҙалы булды.

Е.Васючкова