УКИиК

       Яңы йыл — барыһының да иң яратҡан һәм көтөп алған байрамдарының береһе. Студенттарҙың ҡыҙыу сессия тапшырыу ваҡыты етеүгә ҡарамаҫтан С.Низаметдинов исемендәге Учалы сәнғәт һәм мәҙәниәт колледжының ижади коллективтары 20 декабрҙә ҡала шыршыһын асыуға арналған сарала теләп сығыш яһанылар.

      «Ҡойон» халыҡ бейеү ансамбле учалыларға һәм ҡала ҡунаҡтарына «Төньяҡ һулышы» исемле Коряк бейеүе(4 курс студенткаһы Вилена Аралбаева ҡуйыуы, етәксеһе  Ю. Р.Зәйнышева) һәм «Кейәү егеттәре»(етәксеһе В. М. Әһлиев) шаян мари бейеүе бүләк итте. «Звонница» ансамбле йырлаған «Целуй дружка» халыҡ йырына тамашасылар ихлас күңелдән бейенеләр (етәксеһе Н.Л. Хәйруллина).